Təxliyə - fövqəladə hadisə baş verdikdə insanların həyatına təhlükə yarandığı zaman əhalinin dərhal təhlükəsiz ərazilərə köçürülməsidir. Təxliyə planları bütün təşkilat və müəssisələrdə, hamının görə biləcəyi bir yerdə divara vurulan, üzərində binanın planı olan lövhədir. Təxliyə planı hər mərtəbədə olmalıdır. Buraya binanın və hər mərtəbənin ayrıca təxliyə planı daxildir.

Təxliyə planının təyinatı hər hansı müəssisədə yanğın, zəlzələ və s. fövqəladə hadisə baş verdikdə insanların hansı təxliyə yolları və marşrutları vasitəsilə binanı tərk etmələri, hərəkətlərinin ardıcıllığı, bu və digər fövqəladə hal zamanı nə edəcəkləri haqda məlumat verməkdir.